ZPM in intuaitharna hmang

by News Editor

Tualchhung News

ZORAM TODAY| Aizawl 16th May, 2024: Vawiin khan Ramhlun Indoor Stadium Conference Hall-ah ZPM General Headquarters, Organisation Department ten intuaitharna hun an hmang a, Chief Minister Pu Lalduhoma leh ZPM party hotu dangte'n an hman pui.

Pu Lalduhoma chuan thusawiin,"Political party te hian kalphung hrang hrang kan nei a, party insawhngheh hi thil pawimawh tak mai a ni, chumi tur chuan constituency hrang hrangte viltu tur kan inruat ṭhin a ni. ZPM party pawh party naupang tak kan la ni a, party inrelbawlna kawngah zir tur kan la ngah hle mai a, insawhngheh chhoh zel kan ngaih avangin intuaithar reng hi kan ngai a ni," a ti.

ZPM leader hlui chuan, "Party hi a malin a kal thei lo va, Ministry leh mipui nen inpawh tlang takin a kal tur a ni a, Sawrkar tha tichak tur leh hmalaknate tihlawhtling turin party hi a insawhngeh a ngai a ni. Party ah inlungrualna a awm loh a, innghirnghona a nasat viau chuan Ministry in a tuar a, hmasawnna hnathawh thlengin a tuar a, ramin a tuar ṭhin a ni, " a ti bawk.